So funktioniart's
Wia guat kennsch s' Liachtasto wörklig?
OBACHT! isch a Kartarotespel öbers Liachtasto. Zwo Gruppa treten gäga anand ah und versuachen möglichst viel Karta z' gwinna.
Es git viar verschidene Arta vo Karta:
-
Binra Erklärkarta muass ma dr Begreff wo döt stoht am eigena Team erklära ohne die verbotena vier Wörter oder n Teil vom Begriff z benutza.
-
Wenn eppert a Themarundi zücht, denn goht's drum möglichscht viel Begriff zumna definiarta Thema (z.B. Liachtastoner Alpa) ufzzella.
-
D Spezialkarta wo jewils anra Gmond zuagordnet sin lockren s Ganze kle uf. So krüagt ma met anra Baalzner Karta kle meh Zit oder kann zum Beispiel met anra Muurer Karta am andra Team a Karta stähla.
-
Es sei denn, s gegnerisch Team leht iahres Vetorächt ih ....
Regla vom Spel
1. Spelkarta
-
Es git vier verschiedeni Arta vo Karta: Erklärkarta, Themarunda, Spezialkarta und Vetorächt.
-
Binra Erklärkarta muass ma dr Begreff wo döt stoht am eigena Team erklära ohne die verbotena vier Wörter oder n Teil vom Begriff z benutza.
-
Binra Themarundi wörd d Zit aghalta und bedi Teams mohn abwechselnd an passenda Begriff zum Thema nenna. Das Team wo dr letzt korrekte Begriff säga kann gwinnt dr Punkt. Wörd an Begriff doppelt gset, so goht dr Punkt as andere Team. Noch dr Thema-Rundi beendet s Team d Spielrunde met dr rästlicha Zit.
-
Bi da Spezialkarta stoht druf waser dua mon, D' Zit lauft dabei witer. Spezialkarta hon unterschiedliche Funktiona:
-
Doppelt soviel Zit: Noch em Ablauf vo da ersta 60 Sekunda kunnt s Team wo d'Spezialkarta zücht witeri 60 Sekunda zit öber zum Pünkt sammla.
-
S' gegnerische Team macht witer: Wenn dia Karta kunnt, wörd d' Zit direkt aghalta und s andere Team nutzt di restlicha Sekunda bevor si a reguläri Rundi starten.
-
Karta zellt als Zuasatzpunkt: Glück kha! fahren a Feld witer.
-
I anra anders Sproch erklära: S nögschte Wort (nur on Begreff) monner i anra andra Sproch (z.B. Englisch, Spanisch oder Hochdütsch) erklära
-
-
Mit amna Vetorecht kann dr Strofpunkt verhindret wöra oder ma ka a Karta woma ned erklära kann öberspringa. Zuadem kama mem Vetorecht oh a Spezialkarta för ungültig erklära.
 |  |
|---|---|
 |  |
 |  |
 |
2. Spelvorbereitig
-
Belden zwo Gruppa wo sich eppa glichguat mem Liachtasto uskennen und hocken Euch abwächslend noch Team um an Tesch.
-
Jedi Gruppa platziart iahri Spelfigur (Büroklammra, oder Kloppa) ufm Spelfeld.
-
Guat meschla und alli Spezialkarta und Themarunda glichmässig im Stapel verteila (Obacht! D'Vetorächt-Karta und Spelregla ned unter der Stapel meschla)
-
Jede:r Speler:in kunnt a Vetorecht-Karta öber (Liachtasto-Neuling oder Lüt met Sproch-Barriera inkl. Bärger kon zwo öber).
-
Di restlicha Karta legendr id metti vom Tesch uf on Stapel.
​
3. Spelablauf
-
Gschpelt wörd im Uhrzeigersinn.
-
Jedi Rundi goht 60 Sekunda. Benutzen zum Zit stoppa a Sanduhr oder Stoppuhr uf em Handy.
-
Das Team met da meischta Ruggäller:inna (oder Unterländr:inna) fangt ah und zücht a Karta vom Stapel.
-
S' Ziel isches inra Rundi sövl Karta wia möglich z errota. Jedi Karta git an Punkt.
-
Eppert vom andera Team isch „Gmondspolizischt:in“, kontrolliart ob alles korrekt lauft – und rüaft lut „OBACHT!“ falls os vo da Wörter verwendet wora isch. S' erklärende Team kunnt denn an Strofpunkt öber.
-
Noch Ablauf vor Zit wören d Pünkt (Karta) zellt und d Strofpünkt abzoga. D' Spelfigur lauft entsprechend d' Anzahl Pünkt noch vorna.
-
Das Team wo zersch s' Ziel erreicht hät gwunna.
​
Taugts dr?
4-38'000 Speler:inna
10+
Johr
30-60
Minuta
Lokal produziart & entwicklet
Bi dr Entwicklig isch üs ganz bsundrigs am Härza glega, dass mer s Spel möglichscht nochhaltig und lokal produziara kon.
Dr Kartadrock, Verpackig und Versand öberninnt för üs neu d Gutenberg AG in Schaan und s Grafikdesign hommer i Zemmaarbet mer Tanja Frick us Muura umgsetzt.​
Ma kennt üs vo
Entwicklig
D' Idee för OBACHT! isch spontan amna Spele-obet entstanda. I korzer Zit hommer viel liachtastoner Begriff gsammlet ka und an Prototyp erstella könna. Obacht! isch an volla Erfolg gse und met eurem Feedback hommer a Neuuflag designt.
Produktion
För d Produktion und Logistik, vo üsrem Kartaspel arbeiten miar neu met dr Gutenberg AG in Schaan zemma.
Unterstützer
Met eura Helf isch Obacht! 2021 als Crowdfunding-Projekt entstanda. Für d Neuuflag bedanken miar üs bi usgwählta Liachtastoner Gmonda, dr Stiftig Propter Homines und bim BD300 Team mit Klaus Stark und Bernhard Elkuch för iahri Unterstützig.
Design
För di neu Version vo üsrem Kartaspel arbeiten miar met dr Tanja Frick als Liachtaner Künstlerin und Karikaturistin zemma. Miar sin stolz, met dr Tanja jemand gfunda z ha wo d Liachtastaner Eigaheita för üs im authetischa Muurer-Stil ufs Papier bringt und a kompletts Re-design vo Spelbrett und Karta för Obacht! vorninnt.
Verpackig
Miar hon euers Feedback ufgnoh und für Obacht! 2.0 a komplett neus Verpackigsdesign erstellt. Obacht! kunnt neu ir praktischa Stülpschachtla met amna faltbara Spelbrett im Liachtasta-Design.
I Zemmaarbet met
Unterstützt durch
Hüfig gschtellti Froga
- 01
- 02
- 03
- 04
- 05
- 06
- 07
- 08
Öber üs
Üsers Kartaspel isch amna gemeinsama Spele-Obet in Schaan entstanda und a Vielzahl vo Fründa und Bekannta hon metgholfa zum Wörter sammla, s Spel usprobiara, Feedback geh und witerentwickla. Miar hon üs denn entscheda an Schritt witter z go und das Projekt an Markt z bringa. Durch Euer Feedback und di gross Nochfrog noch üsrem Spel hommer üs entscheda zum met Obacht! 2.0 a Neuuflag z lanciera.
Miar danke för euri Unterstützig und wünschen Euch viel Spass bim Spela!
​
Liabi Grüass
Arabella, Severin & Theresa
Soziali Media
​
Teila
Wo git's OBACHT!
S' einzigartig Spel öbers Liachtasto isch bi üs direkt im Onlineshop oder ab Summer 2026 da folgenda Verkofsstella erhältlich